Kirolen alde negatiboa

Kirolak oso garrantzitsuak dira umeen hazkuntzarako. Baina badaude beste faktore batzuk ere oso garrantzitsuak direnak eta ahaztu egiten ditugunak. Kirola gehigarri moduan ematen bada, orduan, hauentzat positibo moduan jokatuko du. Baina soilik Kirola egitearren, efektu negatiboak ekar ditzake umearen hazkuntzarako, ikas prozesuan ari bagara. Beharrezko baloreak irakatsi behar zaie pertsona moduan ere haz daitezen.
Ona da kirolaren perspektiba desberdinetan aztertzea, eta hau da batez ere artikulu honetan aditzera eman nahi dena. Hezkuntzan, kirolak umeentzat onak direla pentsatzea garrantzizko ideia da, batez ere umeak ikasteko beste modu desberdinak dauzkatelako.

Baina bereiztu behar da kirolak eskolan daukan eragin positiboa eta negatiboa umeen hazkuntzan.
Kirolaren alde negatiboa, umeengan egiten duen presioa izan daiteke. Batez ere, kirol marka bikainak lortu nahi direlako eta orduan umeen arteko konpetentzia sortzen delako. Horrek azkenean, haien arteko diskriminazioa sortzen du.

Azken bolada honetan, eskolan egiten den kirola, kirolari profesionalen aldera pasatu egin da eta konparaketa ugari sortu egin dira, orduan arazoa da, ume batek marka onak lortu nahi dituenean lortu ezinean gelditzen denean. Umeak jasotako presio horrek eragin negatiboa izango du, eta desmotibatu egingo da. Gehienetan umearengan trauma txiki bat besterik ez du sortzen baina beste batzuetan ikasi behar ez dituen beste balore batzuk ikasiko ditu, adibidez, matxismoa edota diskriminazioa. Badirudi badaudela kirol batzuk, bakar bakarrik sexu batentzat direla eta kontrako sexuak ezinezkoa duela horretan aritzea.

Beste eragin negatibo batzuk hauek izan daitezke, alde batetik, lesio fisikoak, nahiz eta txikiak izan (esginzeak), eta lesio psikikoak, auto-estima baxua, konfiantza eza bere buruaz, independentzia falta, eskola errendimendu baxua…

Bukatzeko esan beharra dago, testu honetan exageratu egin dela pixka bat, gai honi garrantzia emateko. Jakin badakigu kirolak eskolan positiboki jokatzen duela baina batzutan, beharbada, ez gara konturatzen umeak modelo bat imitatzera bultzatzen ditugula eta kontuan izan beharreko arazoa dela.

http://www.maixua.com/educacion-fisica.html?name=Conteni2&pa=showpage&pid=16